pirates wrote: very sad news ,if I recall mr Higgins trained a top horse in blue Cossack who I watched win the clairwood group one mainstay with a very young anton Marcus up ,,he also won the group one cape derby...rest in peace
Your memory is second to none. When im older I hope to recall races just like you.
'Lelike eendjie' wen Natalse grote
Van ETIENNE LOUW DURBAN. - Ná die imponerende sege van die bestendige driejarige hingsvul
Blue Cossack in die Mainstay International (R350 000), Saterdag op Clairwood (1800 m), het dié ``lelike eendjie'' se eienaars vandag baie staaltjies te vertel. Die afrigter
Allan Higgins, die jokkie
Anton Marcus en die renperd-eienaars mnre. George Fernandes en Willempie Engelbrecht was oorstelp van vreugde ná die oorwinning van Blue Cossack. N©a die wedren het Higgins gesê hy het nog nie besluit wat Blue Cossack se volgende mikpunt is nie, maar die hingsvul word beslis voorberei met die oog op die Queens Plate einde vanjaar en die J & B Met vroeg volgende jaar in die Kaap. Die perde het goed saam weggespring met Heir To Riches, Silver Tally, Jungle Warrior, Right Prerogative en Blue Cossack op die voorpunt. Die perde se posisies het min verander om die draaie en Silver Tally het tot in die pylvak nog sterk voor genael. In dié stadium het die perde aan die buitekant die pas versnel en dit was nie lank nie voordat Silver Tally net 'n rapsie voor Heir To Riches, Royal Flo, Blue Cossack en Periquin was. By die 300 m-merk het Silver Tally verswak en Blue Cossack het met sy eindpoging begin. Sowat 200 m van die wenpaal was hy voor, maar Coolstar en Periquin het hom die stryd aangesê, terwyl Yardmaster met elke haal sy agterstand uitgewis het. Oor die laaste 50 m het Blue Cossack met mening voor genael. Periquin kon hom net nie inhaal nie en hy moes met 'n tweede plek, 3/4 lengte agter Blue Cossack tevrede wees. Coolstar was net 'n nek agtertoe derde met Yardmaster 'n kop agter hom in die vierde plek. Ná die wedren het mnr. Fernades baie te sê gehad oor sy perd. ``Ek het Blue Cossack se moer, The Blue Canary, wat verwant is aan Sister Sarah, ma van die beroemde oorsese stoethings, Northern Dancer, vir net R1 000 gekoop,'' het hy gesê. ``Toe mnr. Piet Nel die teelhings, Russian Fox, na Suid-Afrika ingevoer het, het ek drie aandele van R9 500 elk by hom gekoop. Mnr. Nel het my 'n gratis dekking van Russian Fox aan The Blue Canary aangebied en daaruit het Blue Cossack gekom. `` Ek het Blue Cossack as jaaroud vul te koop aangebied. 'n Bod van R6 000 is op hom toegeslaan, maar omdat sy ``nuwe eienaars'' ná drie maande nog nie betaal het nie, het ek Blue Cossack gehou. ``Hierna is Blue Cossack vir die Newmarket-veiling in Natal ingeskryf. Di©inskrywings is egter nie aanvaar nie omdat Blue Cossack se teling kwansuis nie goed genoeg was nie en dat sy konformasie nie na wense is nie. ``Daarna het ek besluit om die hingsvul te hou en ek het hom na Higgins se stalle geneem. Ons het Blue Cossack tot sy uiterste beproef en agtergekom dat ons 'n moontlike kampioen het. Nou sit ek met die lelike eendjie en hy is 'n kampioen'', het Mnr Fernandes laggend vertel.
Perdewedrenne
Topic Author
